ALKIG

Urimi i Ramazanit 2024

Hevzi Hasani
  • 11. March 2024
  • 0 Comments

Të nderuar vëllëzër dhe motra besimtarë në Austri dhe kudo që jeni!
Eselamu alejkum ve rahmetullahi ve berekatuhu,
Fillimisht falenderojmë Allahun e Lartësuar për të mirat dhe begatit që na i ka dhuruar. Me salate e selame përshendesim të Dërguarin e Allahut, Muhamed Mustafanë, mësuesin dhe edukatorin e njerëzimit, si dhe shokët dhe familjen e tij.
Të dashur besimtarë, Nesër po hyjmë në muajin e madhëruar të Ramazanit, prandaj shfrytëzoi rastin që në emrin tim dhe në emër të Komunitetit Shqiptarë Muslimanë në Austri-ALKIG t’ju urojë muajin e madhëruar të Ramazanit duke ju lutur Allahut xh.sh. që agjërimin, namazet, zekatin dhe sadakatë dhe të gjitha angazhimet tjera të na i lehtësojë dhe të na i pranojë.
Ne nga nesër do të fillojmë me agjërim, pra ibadet tradicional i të dërguarve të Allahut dhe shtyllë e fesë islame që në vete ka të integruar shumë dimenzione pozitive për vet agjëruesin, raportet e tij me Allahun si dhe raportet e tij me shoqërinë.
Në Islam, agjërimi ka një rëndësi esenciale fetare, veçanërisht gjatë Ramazanit. Ky muaj konsiderohet një kohë përkushtimi dhe vetëkontrolli. Besimtarët abstenojnë nga ngrënia, pirja, kontaktet intime, shpërqendrimet e kësaj bote nga agimi deri në perëndim të diellit. Dhe ky ibadet pra, agjërim, i njohur si “Sawm”, është një nga pesë shtyllat e Islamit.
Aspektet fetare të agjërimit në Islam shkojnë përtej abstenimit nga ushqimi. Është një kohë reflektimi shpirtëror, lutjeje dhe bamirësie. Për ne muslimanët shërbenë kjo kohë dhe ky ibadet për të thelluar lidhjen tonë me Allahun, për të reflektuar mbi veprimet tona dhe për t’u përqëndruar në atë që është e rëndësishme në jetë. Agjërimi forcon vetëdisiplinën dhe shtonë dashurinë e ndërsjellt dhe nxit dhembshurinë ndaj atyre që janë nevojtarë.
Për këtë arsye agjërimin e shoqëronë edhe humaniteti materjalë përmes dhënies së zekatit, sadakatul fitrit, dhe dhurimeve tjera vullnetare.
Koha e ndërprerjes së agjërimit, pra iftarit, është një përvojë e veçantë shoqërore dhe shpirtërore.
Ajo simbolizon unitetin, solidaritetin dhe mirënjohjen. Në përgjithësi, agjërimi në Islam luan një rol qendror në forcimin e besimit, vetëdisiplinës dhe solidaritetit me komunitetin mysliman në vend dhe në mbarë botën, si dhe me shoqërinë në përgjithësi.
Fatkeqësisht edhe këtë vitë muaji i ramazanit po na gjënë me një situatë jo të mirë në aspektin global, ngase në vend të paqës në disa shtete çdo ditë e më shumë po thellohen luftrat, të cilat na shtojnë dhimbjet dhe vuajtjet, ngase besimtari nuk mund të jetë i lumtur kur të tjerët janë në vuajtje. Nga këtu lutemi që të mbretërojë paqja dhe siguria në mbarë botën.Të dashur vëllëzër dhe motra,
Ne edhe njëherë falenderojmë Allahun e Lartësuar për mundësinë që na ka dhënë që edhe këtë vit ta arrijmë këtë muaj të bekuar dhe lutemi që namazet ditore, teravit, iftaret, ndejat e ramazanit, zekatin, sadakatul fitrin, dhe të gjitha adhurimet tjera të na i paranoj.
Në këtë aspekt të dashur besimtarë, ne apelojmë tek ju që të përkushtoheni në ibadet, të nderoni dhe respektoni njerëzit dhe t’i kryeni obligimet që kemi ndaj Zotit dhe njerëzve.
Sikurse çdo vit tjetër ju informojmë që ALKIG edhe këtë vit do të organizoj Pakon e Ramazanit që dedikohet për nevojtarët në trojet tona, poashtu edhe tubimin e sadakatul fitrit i cili dedikohet në institucionet edukativo fetare në trojet tona. Prandaj urdhëroni dhe përgjigjuni këtij kontributi rezultatin e të cilit insha Allah do ta gjeni në ditën kur do të keni nevojë më shumë se asnjëherë tjetër dhe në ditën kur askush nuk mund t’ju dalë në ndihmë përveq se asaj që ju vetë keni kontribuar.
Në fund dua të falenderojë të gjithë imamët dhe kryesit e xhamive për kontributin e tyre që japin në përgjithësi e në ramazan në veqanti për organizimin e jetës fetare ndër besimtarët shqiptarë këtu në Austri.
Edhe njëherë urime muaji i madhëruar i Ramazanit, paqja, mëshira dhe begatit e Allahut qofshin mbi të gjithë ne.

Ve selamu alejkum ve rahmetullahi ve berekatuhu